كان الوفا مثمـر سعـادة قتلتيـه
جفـاك كفنهـا ولا جـاب كفنـي
خذي ربيع العمر..وش عاد لي فيه
دامه في أوقات الخريف يخرفنـي
عايش بعد فرقاك في جرد أراضيه
و ما مخرج الاّ برجعتك ولاّ دفنـي
حتى الفرح رحتي وضاعت مراسيه
وغزتني الحيره..وضيعت سفنـي
ياتعب قلباّ من جروحـك بلاويـه
وبين السهر والحزن يا تعب جفني
قبلك وقلبي مالحق مـن يجافيـه
وما باقي الاّ يقال حبك نسفنـي.!!
بقولها..جايـز يحـن لمواضيـه
ما ظنتـي حـبٍ بذرتـوه يفنـي
و إن كان قلبك ماسمع..هاك قريه
قولي العزيز يقول:ركز و شفنـي
لا..لا يغرك حـب تعجـز تلاقيـه
لا وصلت حـد الكرامـه فخفنـي
وراسي نصيحه لا تجرّب تحديـه
لو صاح قلبي كبريائـه سعفنـي
أحذفك من قلبي لو الحذف يشقيـه
و ما عاد أضيفك لو توسلت ضفني
و أصبر عسى قلبي زماني يشافيه
أمّا عسفت الوقـت ولاّ عسفنـي
موضوع: خذي ربيع العمر 
15/2/2009, 9:38 pm
